في مجــلسي .. قصيده وردها مع الشاعر / عبدالعزيز الضحوي السعدي

السلام عليكم ورحمة الله وبركاته ..
شحالكم جميعاً أن شاء الله بخـير .. اتمنى تكونو بصحه وعافــيه ..

وكبدايه تواجد وأول طرح لي بهالموووقع يشرفني ان اطرح هالقصيده


تعرفون جو البر والمكشات وناسه وسوالف وقصايد واحنا
جالسين قصدت عليه واحنا يومياً كذا ... ورد على
بيض الله وجهه ..
يقول فيها :


في مجلسي حسبـت بعـض الخسايـر
خسايـر(ن) بالقلـب عنـدي كثيـرهـ
ماهي تجـارهـأو فلـوس وعمايـر .
ولاهي خسارة شـاهـولا أميـرهـ..
خسـارة المحـبـوب راع الظفـايـر
أعدم فـؤادي يـوم أبعـد مسيـرهـ..
يأبو ضحوي ياخوي ماعـاد صايـر ..
قرب ولقا وأحساس شخص لأسيرهـ..
قلبي من فراقه شكـى هـم جايـر ,,,
وأعلن خضوعه والحزن صار ديرهـ..
مديـت كفـي للشقـا والحسـايـر ,,
وأقفيت في دربن دروبـه عسيـرهـ..
علّي الاقـي مـن يـرد الخسايـر ..
ويحن فـي دنيـا بعينـي صغيـرهـ..
دلن تراني من شقـا الوقـت سايـر ,,
دمعي سلاحي والعزا لي ذخيـرهـ..
خلاص مالـي فـي لياليـه زايـر ..
أخاف من شوق(ن) يغير مصيـرهـ..
خـلاص بعلنهـا وأفـك الستـايـر ..
اللي توضح مابقـى لـي وأثيـرهـ..
البعـد قـرب والفـراق العبـايـر ,,
والدمـع دستـوراً لنـا مانديـرهـ...
وســــلامــــتــــكــــم

رد علي أبو ضحــوي وقال :


الدم صار اليـوم بالنـار فايـر
والعين مما قلت أمست ضريرهـ
لاتحسب الي راح والوقت جاير
كلـن بهالدنيـا يلاقـي مصيـره
أصبر على الدنيا وخل الخسايـر
والليل ماتامن عواقـب مسيـره
الحب سم ومسكنـه بالضمايـر
ماله دوا لوك تلـف الجزيـرهـ
وانا بعد قلبـي يجـر الحسايـر
على غرامن راح واقفى لغيـره
كني كما طيرا مع الجـو طايـر
صابه سهم قناص واعلن مصيره
ولا كما عود(ن) يكـن العبايـر
وسط المشافى طايحن في سريره
يازينها لاجـاه بأسبـوع زايـر
وماغير ربه في زمانـه يجيـره
ترى الندم مافاد بعض العشايـر
دايم سيوفـه بالخفايـق شطيـره
والختم يامحسن ترى الدم فايـر
عيني بصيره مير يدي قصيرهـ

وســلامــتـــكـــم ...
واعذروني من القصوووور

صح لسانك يالذيب كفو والله

وبدايه رائعه منك وننظر المزيد منك ومن ردودك للشااعر عبدالعزيز


حياكـ أخو حسنا


منوور


وننتظر جديدكـ




أخو العويـــا

بادية موفقة تسلم وفالك العال وصح لسسانك ولسان الراد

.....

البعـد قـرب والفـراق العبـايـر ,,
والدمـع دستـوراً لنـا مانديـرهـ...

أخوي صح لسانك ولسان أبو ضحوي

والله يوفقكم وبدايه موفقه اخوي


سلمت

عبدالعزيز ضحوي

شاعر معروف

ولو نبي نتكلم عنه مانوفي بحقه

شاعر رائع ومبدع

-----------------------

محسن


ابدعت بطرحك الاول


نترقب المزيد

لك انت ياشاعرنا

وللشاعر عبدالعزيز ضحوي


تقبل مروري

الله يعطيك العافيه اخو حسنااا


ماهي غريبه منك شاعر

ونتظر منك المزيد

بتوفيق

كفووووالله


صح لسانك و صح لسان اخوي عبدالعزيز السعدي

صح لسانك ولسان أبو ضحوي

بدايه طيبه من طيب


وانا بعد قلبـي يجـر الحسايـر
على غرامن راح واقفى لغيـره
كني كما طيرا مع الجـو طايـر
صابه سهم قناص واعلن مصيره


يعطيكم العافيه ياعيال غانم

هذا العشم فيكم

تقبلوا فائق الاحترام والتقدير

المشاركة الأصلية كتبت بواسطة أخـــوالعـــوبـــا

صح لسانك يالذيب كفو والله

وبدايه رائعه منك وننظر المزيد منك ومن ردودك للشااعر عبدالعزيز


حياكـ أخو حسنا


منوور


وننتظر جديدكـ




أخو العويـــا

بيض الله وجهك يالغالي لاهنت وصح كلك شاكر لك حضوورك وسام ياخــال

المشاركة الأصلية كتبت بواسطة قـلـب الـمـاجـديـه

بادية موفقة تسلم وفالك العال وصح لسسانك ولسان الراد

.....

البعـد قـرب والفـراق العبـايـر ,,
والدمـع دستـوراً لنـا مانديـرهـ...

صح بدنك والجاي أفضل تقديري